Non havi età l’anima chi ttrema
comu ‘nu durci fattu sulu ‘i crema:
è ‘na carizza ‘nu suspiru ‘i ventu
ch’a vila apri versu ‘u mari apertu
raggiu ‘i suli è ‘nu baciu chi bbampa
e n’atra vota ‘i sogni iddha campa
‘na parola bbona è comu ninnananna
ch’a ddubba propriu comu fussi manna
inchi i so’ surca ‘na canzuni r’amuri
cu ‘na terra nira cuncimata a sciuri
surrisi senza renti riala cu bbeltà
l’anima ch’ancora trema, non havi età!
Rosalba Barcella
